እሂናይ ደአ ኣባል ክትከውን ኣሎካ እምበር! (Tigrinja)
ስለምንታይ ኣባል ማሕበር ሰራሕተኛታት ክኸውን ኣሎኒ ኢልካ ትሓስብ’ዶ? ኣማኢት ከፊልካ ረብሓ ኣሎዎ ድዩ? መልሱ እወ እዩ - ብመንገዲ ኵሉ እቲ ብሓባራዊ ውዕልን ኣባልነት ትረኽቦ ኣዚዩ ብዙሕ እዩ ዝምለሰካ።
ኣባል ኢፍ ሜታል ንኽትከውን ዝገብሩ 7 ብቑዓት ምኽንያታት
ብዙሓት ምስ እንሓብር፡ ነቲ መብዛሕትኡ ግዜ ከም ውሁብ እንወስዶን ብኻልእ ኣገባብ ክንከስሮ እንኽእልን መሰላትን ጥቕምታትን ተደራዲርና ክንረኽቦ ንኽእል ኢና። ኣባል ኢፍ ሜታል ክትከውን ዝገብሩ ብዙሓት ምኽንያታት ኣሎዉ። ሓደ ሓደ ካብቶም ኣገደስቲ ዝኾኑ እንሆ፦
1. ኣ-ካሳን መድሕን ኣታውን (ደሞዝ)
ካብ ስራሕ እንተ ወጺእካ ካብ ናትና ኣ-ካሳ ክፍሊት ክትረክብ ትኽእል ኢኻ። ብተወሳኺ ኣብቲ ኣባልነት መድሕን ኣታዊ እቱው እዩ።
ኣብ እዋን ስራሕ ኣልቦነት ክንደይ ክፍሊት ክትረክብ ከም ትኽእል ርአ!
2. ርትዓዊ ኵነትን ጽቡቕ ደሞዝን
ሳላ ሓባራዊ ውዕላትና፡ ካልእ ገዲፍካ፡ ፍትሓዊ ደሞዝ፡ ስሩዕ ወሰኽ ደሞዝ፡ ርትዓዊ ሰዓታት ስራሕ፡ ክፍሊት ትርፊ ሰዓታት፡ ተወሳኺ ክፍሊት ዘይምሹው ሰዓታት ስራሕን ምጉዳል ሰዓታት ስራሕን ትረክብ ኢኻ። ስራሕ ደው ምስ ኣበልካ ነቲ ተወሳኺ ውዕል ጡሮታ ከተስተማቕሮ ክትክእል ኢኻ።
3. ውሑስ ናይ ስራሕ ሃዋህው
ሓደጋታትን ሕማማትን ንምክልኻል ጽቡቕ ናይ ስራሕ ሃዋህው ኣገዳሲ እዩ። ወሃብ ስራሕ ንሕጊ ኣካባቢ ስራሕ ከም ዝኽተል ዘሎን፡ ንድሕነትካን ጽቡቕ ምህላውካን ዝሰርሑ ወከልቲ ድሕንነት ከም ዘለዉን ነረጋግጽ።
4. ኣብ ዘድልየሉ እዋን ሓገዝን ደገፍን
ስራሕ ከም ትወጽእ መሰማዕታ ኣብ ትወሃበሉ፡ ኣብ ዳግመ-ሕውየት፡ ኣብ ዝርርብ ደሞዝን ካልእን ምኽሪን ደገፍን ንህበካ። ምስ ዘድሊ ሕጋዊ ሓገዝ እውን ክትረክብ ትኽእል ኢኻ። ከምኡ’ውን ምእንቲ ኣብ መጻኢ ግዜ ተጠላቢ ዝኾነ ክእለት ክህልወኩም፡ ኣብ ሞያኹም ንኽትምዕብሉ ንሰርሕ ኢና።
5. ኣብ ስራሕን ኣብ ናጻ ግዜ መድሕን እቱው
ምስ ስራሕ ዝተተሓሓዘ መጕዳእቲ ይኹን ኣብ ናጻ ግዜኻ ሓደጋ ምስ ዘጋጥም፡ ከምኡ’ውን ኣብ ትሓመሉ ብመንገዲ ሓባራዊ ውዕላትናን ናይ ኣባላት መድሕናትን ካሕሳ ክትረክብ ትኽእል ኢኻ። ከምኡ’ውን ናይ ወለዲ ዕረፍቲ ወሲድካ ኣብ ዘለኻሉ እዋን ተወሳኺ ክፍሊት ክወሃበካ ይኽእል እዩ። ብዛዕባ እቶም ኣብ ኣባልነት እቱዋት ዝኾኑ መድሕናት ብዝያዳ ኣንብብ
6. ጽልዋ ኣብ ናይ ስራሕ ቦታ
ኣብ ብዙሕ ኣገደስቲ ጕዳያት፡ ወሃብ ስራሕ ቅድሚ ውሳነ ምውሳኑ ምሳና ኣብ ናይ ስራሕ ቦታ ዘሎና ማሕበር ሰራሕተኛታት ክዘራረብ ኣለዎ። እዚ ንኣብነት ብዛዕባ ኣብ ሰዓታት ስራሕን ዕማማትን ዝግበር ለውጥታት፡ ወይ ኣብ ናይ ስራሕ ቦታ ደሞዝ ብኸመይ ክውስኽን ክመቓራሕን ከም ዘለዎ ክኸውን ይኽእል እዩ። ከም ኣባል መጠን ነዚ ኣብ ምጽላው ክትሳተፍ ትኽእል ኢኻ።
7. ብሓባር ሓያላት ኢና
በይንኻ ኴንካ ብዛዕባ መሰላትካ ክትሓትት ኣጸጋሚ እዩ። በይንኻ ግን ኣይኮንካን ዘለኻ። ልዕሊ 300 000 ኣባላት ኣለና። ብሓባር ኴንና ናይ ኵሎም ሰራሕተኛታት ኢንዱስትሪ ኵነታት ከነመሓይሽን ኣብ ሕብረተ ሰብ ፍትሒ ከነዛይድን ንኽእል ኢና።
መድሕን ኣታዊ ብኸምዚ ይሰርሕ?
ካብ ስራሕ እንተ ወጺእካ፡ በቲ ኣብ ኣባልነት እቱው ዝኾነ ናትና መድሕን ኣታዊ ዝዕበየ ውሕስነት ቍጠባ ኣሎካ። ብድምር ካብቲ ንኽፍሊት መሰረታዊ ዝኾነ ኣታዊኻ* ( ersättningsgrundande inkoms) ክሳብ 80 ሚእታዊት ን100 መዓልታት ዝኣክል ክኽፈለካ ምእንቲ ክኽእል ንኣ-ካሳ መመላእታ ይኾኖ።
እዚ ኣብነት፡ ካብቲ ዝለዓለ ካብ ኣ-ካሳ ዝኽፈል 33.000 ንወርሒ ንላዕሊ ተእቱ እንተ ዄንካ ክፍሊትካ ካብ 1ይቲ ክሳብ መበል 100 መዓልቲ ከመይ ክመስል ከም ዝኽእል የርኢ።
እሂናይ ደአ ኣባል ክትከውን ኣሎካ እምበር! (Youtube)
ከምዚ ዝስዕብ ገርካ ኣባል ኢፍ ሜታል ትኸውን
ኣባል ኢፍ ሜታል ምዃን ቀሊል እዩ። ባንክ-ኢደ እንተ ኣሎካ ኾይኑ፡ ባዕልኻ ኣብዚ መርበብ ሓበሬታ ንኣባልነት ከተመልክት ትኽእል ኢኻ። ንምምልካት ሓገዝ ምስ ዘድልየካ ኣብ ናይ ስራሕ ቦታኻ ምስ ዘሎ ወኪል ማሕበር ሰራሕተኛታት ተዛረብ ወይ ምስ ጨንፈር ኢፍ ሜታል ናይ ከባቢኻ ርክብ ግበር።
